Urdu Shayari |
Kuch is qadar hai gham-e-zindagi se dil manusm khizan gai hai to baharon mein dil lagta nahi |
Meri duniya aap ki muntazi hai apni duniya chod kar aa jayee |
InheN aaNsu samajh kar yuN na miTTi meiN mila zaalim payaam-e-dard-e-dil hai aur aaNkhoN ki zabaani hai |
Le chal hareem-e-naaz meiN aie zauq-e-bandagi aaj unke paaye naaz par sajda kareNge ham |
Woh cheez kehte hain fidos-e-gumshuda jis ko kabhi kabhi teri aankhoN mein paai jaati hai |
Yaa rab hujum-e-dard ko de aur wus-ateiN daaman to kya abhi meri aankheN bhi nam nahiN |
Yun zindagi guzaar raha hun tere baghair jaise koi gunah kiye jaa raha hun maiN |
Hum ko jo chahe naasaih keh lo kuch na khena un se khuda ke liye |
Woh kab aaye bhi aur gaye bhi, nazar mein ab tak sama rahe hain yeh chal rahe hain, woh phir rahe hain, yeh aa rahe hain, wo jaa rahe hain |
Yeh kya muqam-e-ishq hai zaalim keh in dinon aksar tere bagair bhi aaram ho gaya |
Ibteda woh thi keh jeena tha mohabbat mein mohal inteha yeh hai keh ab marna bhi mushkil ho gaya |
Yeh dil ke zakhm nahin, Jigar ke daagh hain rah-e-hayaat mein shama jala raha hai koi |
Dekh zindaaN ke pare, rang-e-chaman josh-e-bahaar, raq's karna hai to phir paon ki zanjeer na dekh |
Rok sakta hameiN zidaan-e-balaa kya hai Majrooh hum to aawaz haiN deewaroN se chan jaate hain |
Muntazir haiN phir mere hadse zamaaane ke phir mera junuN teri bazm mein ghazal khuwaN hai |
Yeh niyaaz-e-gham khuwari yeh shikast-e-dildaari bus nawazish-e-jaanaaN dilbahut pareshaaN hai |
Dehar meiN majrooh koi jaavedaaN mazmooN kahaN maiN jise choota gaya woh jaavedaaN banta gaya |
Jis taraf chal pade hum aabla paayan-e-shauq khaar se gul aur gul se gulistaan banta gaya |
Mujh ko to hosh nahiN tum ko khabar ho shaayad log kehate haiN ki tum ne mujhe barbaad kiyaa |
Tamaam mehfil ke rubaru go uThaaeiN nazareN milaai aaNkheN samajh saka ek bhi na lekin sawaal mera jawaab tera |
Yeh meri waraftaghi, ma-aaz-allah tum bhi aaye to kuch khabar na hui |
Waqif hai Josh ishq se apne tamam shehar aur hum yeh jaante haiN keh koi jaanta nahiN |
Apnon ki dosti ne sikhayaa hai yeh sabaq ghairon ki dushmani bhi inaayat se kam nahiN |
Jis ko tum bhool gaye, yaad kare kaun us ko jis ko tum yaad ho, woh aur kise yaad kare |
Yeh baat, yeh tabassum, yeh naaz, yeh nigahen aakhir tumhi bataao kyun kar na tumhen chaahen |
Fikar-e-ma-aash, ishq-e-butaaN yaad-e-raftagaaN is zindagi mein ab koi kya kya kare |
Woh aaye bazm meiN itna to Meer ne dekha phir uske baad chiraaghoN meiN roshni na rahi |
Le saaNs bhi aahista ke nazuk hai bahut kaam aafaq ki is sheesha-e-karigeeri ka |
Yaad uski itni khoob nahi Meer baaz aa Naadan phir woh ji se bhulaya na jayeega |
Achcha sa koi mausam, tanha sa ko aalam har waqt ka rona to bekaar ka rona hai |
Ab yeh bhi nahi Theek keh har dard mita deN kuch dard kaleje se lagaane ke liye haiN |
Muddat ke baad aaj use dekh kar Muneer ek bar to dil DhaDka magar phir saNbhal gaya |
Mar chuk kahiN keh is gham-e-hijraaN se choot jaae kehte to haiN bhale ki woh lekin buri tarha |
taab-e-nazaara nahiN aaina kya dekhne duN aur ban jaayeNge tasveer jo hairaaN hoNge |
MaaNga kareNge ab se duaa hijar-e-yaar ki aakhir ko dushmani hai dua ko asar ke saath |
Us naqsh-e-paa ke sajde ne kiya kya kya zaleel maiN kucha-e-raqeeb meiN bhi sar ke bal gaya |
Hum nikaaleNge sun aie mauj-e-hawa bal tera us ki zulfoN ke agar baal pareshaaN hoNge |
Tujh ko khabar nahi magar ek saada-luh ko barbaad kar diya tere do din ke pyar ne |
Apni tabahiyoun ka mujhe koi gham nahi tum ne kisi ke saath mohabbat nibha to di |
Kaun rota hai kisi aur ki khaatir aie dost sab ko apni hi kisi baat pe rona aaya |
Lo ab tod diya hum ne rishtai-umeed ab kisi se gila na karenge hum |
Gar zindagi mein mil gaye phir ittefaq se puchenge apna hal teri bebasi se hum |
Le de ke apne paas faqt ek nazar to hai KuyuN dekheN zindagi ko kisi ki nazar se hum |
Dil ki dhadkan meiN tawazun aa chala hai kahir ho meri nazareN bujh gaiN ya teri raanaai gai |
Hum kareN tark-e-wafa, achcha chalo yuN hi sahi aur agar tar-e-wafa se bhi na ruswaai gai |
Jab kabhi un ki tawajjoh mein kami paai gai az sar-r-nau daastan-e-shauq dohraai gai |
Meri nadeem mohabbat ki wus-aton se na gir buland baam-e-haram nahi kuch aur bhi hai. |
Sehan-e-chaman me dafa-tan aake palat gai bahaar ahal-e-junuN ne ghaaleban aqal se kaam liya |
Rind kharaab-e-nosh ki be-adabi to dekhiye niyat-e-mai kashi na ki haath me jaam le liya |
Mujhe chod demere haal par, tera kya bharosa aie chaarah-gar teri nawaazish-e-mukhtasar, mera dard kahiN baDha na de |
Ba-wafa sahi tum, maiN ghalat samjha tha maane leta hun aisi bhi wafa hoti hai |
Le gaya cheen ke kaun aaj tera sabar-o-qaraar beqaraari tujhe aie dil kabhi aisi to na thi |
maiN sisakta hi reh gaya aur mar gaye Farhaad-o-Qais kya unhi donoN ke hisse meiN qaza thi maiN na tha |
Na ched ai nikhat-e-baad-e-bahari raah lag apni tujhe athkheliyaN sujhi haiN, hum bezaar baithe hain |
Kabhi afsos aata hai kabhi rona aata hai dil-e-beemar ke haiN do hi ayaadat wale |
Tum bhool kar bhi nahi yaad karte ho kabhi ham to tumhaari yaad meiN sab kuch bhula chuke |
Mera khat usne paDha, paDh ke naama-bar se kaha yehi jawaab hai is ka koi jawaab nahi |
Suna hai maiN ne bhi zikar bahisht-o-hoor-o-tahoor Khuda ka shukar hai keh neeyat meri kharab nahi |
Hum ne to donoN ko dekha , donoN hi be-dard kaThor dharti wala aNbar wala pehla chaaNd aur dooja chaaNd |
Deen-o-dil-o-jaaN sab sarmaaya is me apna sarf hua ishq yeh kaarobaar nahi kya aur jo kaarobar kareN |
Woh jo tera daagh-e-ghulaami maathe per liye phirta hai us ka naam to Inshaa Thehra naa-haque ko bad-naam hai chaaNd |
SakhiyoN se kab sakhiyaaN apne ji ke bhed chupaati haiN hum se nahi to us se keh de karta kahaN kalaam chaaNd |
Dekh ai umeed, keejo ham se na tu kinaara tera reh gaya hai le de ke ek sahaara |
Hoti nahi qubul dua tark-e-ishq ki dil chaahta na ho to zabaaN mein asar kahaaN |
Rona hai yeh ke aap bhi haNste haiN warna yaaN ta'an-e-raqeeb dil pe kuch aisa garaaN na tha |
Hai justuju keh khub se khub tar kya ab theharti hai dekhiye jaa kar nazar kahaN |
Hafeezun se maiN jitna bad-gumaaN huN woh mujh se is qadar barham na hoNge |
No comments:
Post a Comment